១- មិត្តអើយក្រោកឡើងពីព្រលឹម ញញឹមសង្ឃឹមជីវិតថ្មី
ទទួលពន្លឺពេញរស្មី ចែងចាំងល្អក្រៃពីព្រះអង្គ ។
បន្ទរ- ព្រះគ្រីស្ទទ្រង់រស់ពីសុគត ជាអង្គបរិសុទ្ធទ្រង់បើកផ្លូវ
ធ្វើជាគំរូនាំយើងទៅ ដល់ឋានលំនៅព្រះបិតា ។
២- ក្រោកឡើងលុបមុខលាងខ្លួនប្រាណ ចាប់គម្ពីរអានកុំរួញរា
សរសើរតំម្កើងដោយវាចា សូមក្តីករុណាពីព្រះអង្គ ។
៣- បើយើងសង្វាតដើរតាមទ្រង់ គម្ពីរតំរង់ផ្លូវយើងហើយ
ត្រូវដើរទៅមុខកុំកន្តើយ ព្រះគង់បង្កើយរងចាំយើង ។
៤- មិនត្តអើយក្រោកឡើងពីព្រលឹម ចូរមានសង្ឃឺមគ្រប់ទាំងផ្លូវ
ស្តាប់តាមព្រះគ្រីស្ទនោះត្រឹមត្រូវ ក្តីស្លាប់គ្មានផ្លូវឈ្នះយើងទេ៕