ផ្តើម/បញ្ចប់- ហា ហាលេលូយ៉ាហា ហាលេលូយ៉ា ស្ទួន
១- ព្រះយេស៊ូវប្រោសយើងហើយ ពួកស្ងួនភ្ងាអើយកុំព្រួយសោកា
តាំងចិត្តខ្ជាប់ខ្ជួនតាមច្បាប់តម្រា ដែលអង្គបុត្រាប្រៀនយើងរាល់គ្នា។
២- ព្រះយេស៊ូវជួយសង្គ្រោះ លោះយើងដោយស្មោះលះលោហិតថ្លៃថ្លា
ឲ្យយើងរួចផុតពីក្តីវេទនា ក្នុងនរកឫស្យាទៅឋានសួគ៍វិមាន។
បន្ទរ- ព្រះបុត្រមានសប្បុរសធម៍ សែនល្អរកដូចមិនបាន ត្រូវយើងគ្រប់គ្នា
ស៊ូប្តូរក្ស័យប្រាន ដើរតាមលំអានព្រះបន្ទូលទ្រង់។
៣- យើងមានព្រះវិញ្ញាណសណ្ឋិត ក្នុងចិត្តយើងពិតជីវិតម៉ត់ហ្មង
យើងច្រៀងសរសើរថ្វាយពរព្រះអង្គ យើងបម្រើទ្រង់ក្នុងការសង្គ្រោះ។