១- ខ្ញុំមានអំណរខ្លាំងក្រៃដោយបានសង្គ្រោះ បានព្រះប្រោសលោះ
ទ្រង់ជួយរំដោះឱ្យខ្ញុំមានភាពសិរី កាលមុនខ្ញុំដើរ បម្រើលោកិយ
តាមភាពអប្រិយ ឥតយល់ដឹងអ្វី មេបាបបំភ្លៃឱ្យទាស់នឹងព្រះ។
២- ខ្ញុំមានអំណរដោយបានឃើញពន្លឺពិត ភ្លឺចាំងក្នុងចិត្ត ឃើញសេចក្តីពិត
ឱ្យខ្ញុំបានយល់ជាក់ច្បាស់ ឃើញការស្មោកគ្រោក នាំលោកវិនាស
ការគួរខ្ពើមណាស់ ពន្លឺអម្ចាស់ភ្លឺចាំងស្រឡះ ឱ្យខ្ញុំជៀសឆ្ងាយ។
៣- ខ្ញុំមានអំណរដ្បិតជួបព្រះអង្គមេត្រី ទ្រង់ជួយកែឆ្នៃ រៀបចំផ្លូវថ្មី
ដោយទ្រង់លះបង់មិនស្តាយ លះទាំងជីវិត លោហិតហូរខ្ចាយ
ស៊ូប្តូរអង្គកាយ ជួយអ្នកដាច់ឆ្ងាយ នាំមកដល់អាយឱ្យជានឹងព្រះ។
៤- ខ្ញុំមានអំណរខ្លាំងដោយបានជីវិតថ្មី ជាជីវិថ្លៃយ៉ាងវិសេសក្រៃ
ដោយសារព្រះគ្រីស្ទជាម្ចាស់ ជីវិតអស់កល្ប ទ្រង់ប្រទានច្បាស់
គឺទ្រង់ជាម្ចាស់ ជួយប្រោសបំផ្លាស់ ដោយព្រះគុណព្រះខ្ញុំរស់តទៅ ៕