១- ព្រះគ្រីស្ទជានំប៉័ងជីវិត អ្នកណាមកឯខ្ញុំពិត នោះនឹងមិនឃ្លានទៀតឡើយ
អ្នកណាបានជឿដល់ទ្រង់ហើយ ទ្រង់មិនបោះបង់ចោលឡើយ
ទ្រង់ឱ្យជីវិតអស់កល្ប ព្រះគ្រីស្ទជាពន្លឺលោកិយ អ្នកណាតាមទ្រង់រាល់ថ្ងៃ
នោះមិនងងឹតទៀតឡើយ អ្នកណាបានជឿដល់ទ្រង់ហើយ
ទ្រង់មិនបោះបង់ចោលឡើយ ទ្រង់ឱ្យពន្លឺជីវិត ។
២- ព្រះគ្រីស្ទពិតប្រាកដជាទ្វារ ចៀមអាចចូលបានគ្រប់គ្នា យកទីពឹងពាក់អាស្រ័យ
ចៀមណាបានចូលតាមទ្រង់ហើយ ទ្រង់មិនបោះបង់ចោលឡើយ
ទ្រង់ឱ្យវាលស្មៅជីវិត ព្រះគ្រីស្ទជាអ្នកគង្វាលល្អ សុខចិត្តបង់ជីវិតប្តូរ
ជំនួសហ្វូងចៀមទ្រង់ហើយ ចៀមណា ដែលទ្រង់បានឃ្វាលហើយ
ទ្រង់មិនបោះបង់ចោលឡើយ ទ្រង់ជួយឱ្យរួចទុកភ័យ ។
៣- ព្រះគ្រីស្ទជាក្តីរស់ឡើងវិញ ជាជីវិតដ៏ពោពេញ មិនចាញ់មច្ចុរាជសោះឡើយ
អ្នកណាបានជឿដល់ទ្រង់ហើយ ក្តីស្លាប់គ្មានអំណាចឡើយ
ទ្រង់ប្រោសឱ្យរស់ឡើងវិញ ព្រះគ្រីស្ទជាផ្លូវជាក្តីពិត ហើយទ្រង់ក៏ជាជីវិត
មកតាមទ្រង់មិនខុសឡើយ ក្រៅពីទ្រង់គ្មានផ្លូវទៀតឡើយ
ផ្លូវទ្រង់បានរៀបឱ្យហើយ ផ្លូវទៅព្រះវរបិតា ៕