១- ព្រះគ្រីស្ទមកប្រោស ឱបងប្អូនអើយ មនុស្សខ្វាក់ថ្លង់ គ
ខ្វិនឱ្យងើបឈរ ឱបងប្អូនអើយ ទោះគ្រប់រោគឈឺ ។
២- ព្រោះគេងងឹត នោះទ្រង់យាងមក ប្រោសឱ្យបានភ្លឺ
ថ្លង់ឱ្យស្តាប់ឮ ប្រោសបានដោយជឿ ឱ្យដឹងក្តីពិត ។
៣- ព្រះគ្រីស្ទមកប្រោស ឱបងប្អូនអើយ ផ្តាច់ចំណងចិត្ត
អារក្សចងរឹត ឱបងប្អូនអើយ នាំឱ្យធ្វើបាប ។
៤- គេឆ្កួតវង្វេង នោះទ្រង់យាងមក ប្រោសផ្តាច់យ៉ាងឆាប់
ឱ្យឈប់ធ្វើបាប ធ្វើខ្លួនឱ្យស្លាប់ ដោយសារដៃឯង ។
៥- ព្រះគ្រីស្ទមកប្រោស ឱបងប្អូនអើយ រោគឃ្លង់គួរស្ញែង
ឆ្លងតាមពូជឯង ឱបងប្អូនអើយ តដល់កូនចៅ ។
៦- គ្រប់គ្នាមានបាប នោះទ្រង់យាងមក ប្រោសស្អាតត្រឹមត្រូវ
ដ្បិតអីគ្មានផ្លូវ ណាទៀតតម្រូវ ក្រៅពីឈាមទ្រង់ ។
៧- ព្រះគ្រីស្ទយាងមក ឱបងប្អូនអើយ ប្រោសមនុស្សស្លាប់បង់
ស្លាប់ព្រោះបាបផង ឱបងប្អូនអើយ ទ្រង់ប្រោសរស់ពិត ៕