១- មុនជឿព្រះអង្គ នោះខ្ញុំជាត្បូងមួយគ្រាប់កប់ដី ស្ទួន
កប់ក្នុងបាបជ្រៅក្រៃ តែមានមួយថ្ងៃទ្រង់ជីកយកបាន ។
២- បើគ្មានព្រះអង្គ ខ្ញុំពិតជាត្បូងឥតអ្នករាប់អាន ស្ទួន
រស្មីមិនដែលមាន តែទ្រង់ឆ្នៃប៉ាន់ទើបឆ្លុះពន្លឺ ។
៣- ទ្រង់កាត់ឆិតជ្រុង ខាត់ឱ្យរលោងចេញរស្មីភ្លឺ ស្ទួន
ទ្រង់ប្រើពេលផ្ចង់ធ្វើ ឆាបខាត់ឡើងភ្លឺជាត្បូងយ៉ាងខ្ញង់ ។
៤- ខ្ញុំដឹងប្រាកដ ថាខ្ញុំទ្រាំអត់ពេលជឿព្រះអង្គ ស្ទួន
ទុក្ខលំបាកល្បួងល្បង ការបៀតបៀនផងគួរឱ្យតក់ស្លុត ។
៥- ខ្ញុំស៊ូទ្រាំទ្រ ព្រោះមានអំណរក្នុងចិត្តបរិសុទ្ធ ស្ទួន
ដ្បិតខ្ញុំដឹងប្រាកដ ថាដល់កំណត់ទ្រង់លើកខ្ញុំឡើង ។
៦- ទ្រង់លើកត្បូងតាំង ឱ្យរស្មីចាំងលើម្កុដថ្កុំថ្កើង ស្ទួន
នៅឋានសួគ៌រុងរឿង ទ្រង់តាំងខ្ញុំឡើងឱ្យភ្លឺអស់កល្ប ៕