១- ខ្ញុំបានរស់ហើយ (ស្ទួន ) ខ្ញុំរស់ឡើងហើយ មិនស្លាប់ទៀតសោះ
គឺព្រះលោះខ្ញុំ ទ្រង់លោះដោយស្មោះ ខ្ញុំមិនគួរសោះ តែទ្រង់មេត្តា ។
ចិត្តខ្ញុំស្រែកច្រៀង ថ្លែងពីព្រះគុណ ទ្រង់លោះបាបធ្ងន់ឱ្យខ្ញុំរួចស្លាប់
ខ្ញុំបានរស់ពិត ទ្រង់ប្រោសខ្ញុំឆាប់ ឱ្យខ្ញុំមានច្បាប់ចូលឋានបិតា ។
២- ខ្ញុំបានរស់ហើយ (ស្ទួន ) ខ្ញុំគ្មានអ្វីឡើយ តបគុណទ្រង់ទេ
គុណព្រះនោះធ្ងន់ មិនអាចផ្ទឹមផ្ទេរ ខ្ញុំបានត្រឹមតែ ថ្វាយចិត្តខ្ទេចខ្ទាំ ។
ចិត្តខ្ញុំស្រែកច្រៀង ខ្ញុំច្រៀងត្រេកអរ ខ្ញុំមានអំណរ អរគុណទ្រង់ក្រៃ
គុណព្រះលោះខ្ញុំ អង្គទ្រង់ជាថ្លៃ គុណនោះធ្ងន់ក្រៃ គ្មានអ្វីសងបាន ។
៣- ខ្ញុំបានរស់ហើយ (ស្ទួន ) ខ្ញុំដឹងច្បាស់ហើយ ថាខ្ញុំនៅរស់
ថ្វីដ្បិតរូបសាច់ ខ្ញុំត្រូវរងគ្រោះ ស្លាប់បាត់សូន្យឈ្មោះ ជាធូលីដី។
ចិត្តខ្ញុំស្រែកច្រៀង ខ្ញុំច្រៀងសរសើរ គ្មាននាមណាស្មើ នឹងនាមព្រះគ្រីស្ទ
ដែលបានសង្គ្រោះ ដោះលោកិយនេះ ផុតខ្មាំងជាន់ជិះ ទាញនាំឱ្យស្លាប់ ។
៤- ខ្ញុំបានរស់ហើយ (ស្ទួន ) ខ្ញុំមិនស្លាប់ឡើយ នៅរស់សព្វថ្ងៃ
វិញ្ញាណខ្ញុំរស់ ចិត្តខ្ញុំលែងភ័យ ដ្បិតអម្ចាស់ថ្លៃ ទ្រង់រស់ក្នុងខ្ញុំ ។
ចិត្តខ្ញុំស្រែកច្រៀង ពីគុណករុណា ច្រៀងប្រាប់លោកា ឱ្យគេបានដឹង
មានព្រះប្រោសលោះ គេអាចទីពឹង ឱ្យដោះព្រលឹងគេរួចពីទុក្ខ ៕