១- សេចក្តីស្រឡាញ់នៃព្រះខ្លាំងម្លេះ ព្រះទ័យគ្នាន់គ្នេហ៍
ព្រោះយើងវង្វេងបាត់បង់ ទ្រង់ចាត់រាជបុត្រា ស្ងួនភ្ងាតែមួយព្រះអង្គ
ឱ្យមកស្រោចស្រង់ ដោះយើងចេញពីសេចក្តីស្លាប់ ។
២- គឺដើម្បីយើងទ្រង់ទ្រាំសេចក្តីល្បួង មេបោកលោមលួង
ទាញទ្រង់ឱ្យភ្លាត់ចំណាប់នាំទ្រង់ធ្វើបាប តែទ្រង់រឹងមិនធ្វើត្រាប់
ទ្រង់ស៊ូតែស្តាប់ តាមបញ្ញាត្តិព្រះវរបិតា ។
៣- គឺដើម្បីយើងព្រះអង្គចេញប្រកាស ថាទ្រង់ជាព្រះ
ព្រមទាំងសម្តែងបាដិហារ្យ បណ្តេញអារក្ស ប្រោសរោគដោយឫទ្ធិចេស្តា
បង្រៀនសិក្សា ធ្វើការជាតំណាងព្រះអង្គ ។
៤- គឺដើម្បីយើងទ្រង់លះបង់ទាំងអស់ ឥតស្វែងរកសោះ
ផលប្រយោជន៍របស់ទ្រង់ស៊ូសូមយើង បានបរិសុទ្ធឥតហ្មង
ដោយជំនឿផង ឱ្យជាប់នៅក្នុងព្រះត្រីឯក ។
៥- គឺដើម្បីយើងទ្រង់ទទួលទោសជួស ឱ្យត្រូវពួកមនុស្ស
ចាប់កាត់ទោសឥតប្រកែក ចំអកស្តោះដាក់ ព្រះភ័ក្ត្រវាយធាក់ដួលដេក
ខ្ទេចខ្ទាំសាច់ស្បែក រួចនាំយកទៅឆ្កាងធ្វើគុត ។
៦- គឺដើម្បីយើងទ្រង់ទ្រាំស់រេំចការ ទោះមនុស្សដៀលថា
បើទ្រង់ជាព្រះរាជបុត្រចុះពីឈើឆ្កាង មកយើងនឹងជឿបំផុត
តែទ្រង់ទ្រាំអត់ រួចក៏ថ្វាយព្រលឹងទៅព្រះ ។
៧- គឺដើម្បីយើងទ្រង់ស្លាប់ហើយរស់ឡើងវិញ បានជីវិតពេញ
ដោយទ្រង់មានជ័យជំនះ យាងទៅឋានខ្ពស់ ដើម្បីតាំងរាជ្យនៃព្រះ
ដល់ថ្ងៃអម្ចាស់ ប្រោសឱ្យយើងរស់វិញនាំទៅ ៕